573
සටහන..ඩබ්ලිව් ජයසිංහ
කොළඹ කොටුව දුම්රිය ස්ථානය නවීකරණ ව්‍යාපෘතිය සඳහා ටෙන්ඩර් කැඳවා ඇති බව ප්‍රවාහන, මහාමාර්ග, වරාය සහ සිවිල් ගුවන් සේවා අමාත්‍යාංශය සඳහන් කරයි.
ආසියානු සංවර්ධන බැංකුවේ සහාය ඇතිව කොළඹ කොටුව දුම්රිය ස්ථානය නවීකරණය කිරීමට නියමිතය.
ඒ අනුව, කොටුව දුම්රිය ස්ථානය නවීන පහසුකම් සහිත දුම්රිය ස්ථානයක් ලෙස සංවර්ධනය කිරීමට පියවර ගන්නා අතර, ඒ සඳහා ඇස්තමේන්තුගත වියදම රුපියල් මිලියන 1,395ක් බවද සඳහන් වේ.
මෙම සංවර්ධන වැඩ කටයුතු මේ වසර අවසානයේදී ආරම්භ කිරීමට නියමිත අතර, ව්‍යාපෘතිය මාස 15ක කාලයක් තුළ නිම කිරීමට අපේක්ෂිත බව අමාත්‍යාංශය වැඩිදුරටත් ප්‍රකාශ කර සිටියේය.
