අපරාධ පරීක්ෂණ දෙපාර්තමේන්තුව කර තිබූ නියෝගයකට අනුව ප්රකාශයක් ලබා දීම සඳහා එහි ගිය විමල් වීරවංශ හදිසියේ වෛද්යවරයෙකු හමුවීමට අවශ්ය බව ප්රකාශ කරමින් පිටවී ගිය බව වාර්තා වේ.
ඊයේ (09) පෙරවරුවේ පැය එක හමාරක් පමණ ප්රකාශයක් ලබා දුන් අතර, ඔහු මෙසේ හදිසියේ පිටවී ගොස් තිබේ. ශ්රී ලංකා රේගුව විසින් පසුගිය ජනවාරි මාසයේ දී මුදා හරින ලද බහලුම් බස්නාහිර පළාත් ආණ්ඩුකාර හනීෆ් යූසුෆ්ට අයත් ව්යාපාරයට ගෙන්වූ බහලුම් බව විමල් වීරවංශ ප්රකාශ කර තිබිණි.
එම ප්රකාශය පිළිබඳව අපරාධ පරීක්ෂණ දෙපාර්තමේන්තුවට ආණ්ඩුකාරවරයා කරන ලද පැමිණිල්ලකට අනුව විමල් වීරවංශගෙන් ප්රකාශයක් ලබා ගැනීම සඳහා කැඳවා තිබිණි.