සටහන…….අරුනඩෙල් විජේරත්න
ශ්රී ලංකා මුහුදු තීරය තුළදී එක්ස්ප්රස්පර්ල් නෞකාව ගිනිගෙන විනාශවීමෙන් සමුද්රීය පරිසර හා ආර්ථිකය වෙනුවෙන් ශ්රී ලංකා රජයට අමෙරිකානු ඩොලර් බිලියන 1ක වන්දි මුදලක් ගෙවන්නයි ශ්රේෂ්ඨාධිකරණය අදාළ නෞකා සමාගමට නියම කර තිබේ.
එම වන්දි මුදල් භාණ්ඩාගාර ලේකම්වරයාට ගෙවිය යුතු බවට තීන්දුවේ සඳහන් ය.
ඊට අමතරව මෙම ඛේදවාචකය වළක්වා ගැනීමට කටයුතු නොකිරීම සම්බන්ධයෙන් එවක විෂයභාර අමාත්ය නාලක ගොඩහේවා, සමුද්ර දූෂණ වැළැක්වීමේ අධිකාරිය මූලික මිනිස් අයිතිවාසිකම් උල්ලංඝනය කර තිබෙන බවත් ශ්රේෂ්ඨාධිකරණය තීන්දු කර ඇත.
අදාළ ඛේදවාචකය තුළින් සිදුවූ හානිය වෙනුවෙන් කාදිනල් අතිඋතුම් මැල්කම් රංජිත් හිමිපාණන් ඇතුළු පාර්ශ්ව කිහිපයක් ඉදිරිපත් කළ මූලික අයිතිවාසිකම් පෙත්සම්වල තීන්දුව ලබාදෙමින් අගවිනිසුරු මුර්දු ප්රනාන්දු ප්රමුඛ පංච පුද්ගල ශ්රේෂ්ඨාධිකරණ විනිසුරු මඩුල්ල විසින් මෙම තීන්දුව ලබා දී තිබේ.