සටහන..ඩබ්ලිව් ජයසිංහ
පාරිභෝගික කටයුතු පිළිබඳ අධිකාරිය (CAA) වත්තල හා හැදල ප්‍රදේශවල ව්‍යාපාරික ස්ථාන තුනකින් අත්අඩංගුවට ගත් කල් ඉකුත් වූ කරවල සහ රටඉඳි මෙට්‍රික් ටොන් 4.5කට අධික ප්‍රමාණයක් වැලිසර මහේස්ත්‍රාත් අධිකරණයේ නඩු පැවරීම්වලින් පසුව විනාශ කර තිබේ.
ඒ අනුව කල් ඉකුත් වූ රටඉඳි මෙට්‍රික් ටොන් 3.6ක් , කල් ඉකුත් වූ හාල්මැස්සන් මෙට්‍රික් ටොන් 1ක් , කල් ඉකුත් වූ කරවල කිලෝග්‍රෑම් 300 ක් මෙලෙස විනාශ කර ඇත.
2003 අංක 9 දරන පාරිභෝගික කටයුතු පිළිබඳ අධිකාරිය පනත යටතේ නිකුත්කල අංක 1875/38 (15.08.2014) දරන අතිවිශේෂ ගැසට් පත්‍රය ( නියෝග අංක 52 ) උල්ලංඝණය කිරීම සම්බන්ධයෙන් අදාල වෙළඳුන්ට රු. 55,000 ක දඩ මුදලක් වැලිසර මහේස්ත්‍රාත් අධිකරණය මගින් නියම කරන ලදී.
කල් ඉකුත් වූ හෝ භාවිතයට නුසුදුසු නිෂ්පාදන විකිණීම සඳහා වෙනත් භාණ්ඩ සමඟ ගබඩා කිරීම දඬුවම් ලැබිය හැකි වරදක් බව පාරිභෝගික කටයුතු පිළිබඳ අධිකාරිය සියලුම වෙළඳුන් දැනුවත් කෙරේ.