හැව්ලොක් සිටි සුපිරි නිවාස සංකීර්ණයෙන් හමුවූ රන් ආලේපිත ටී-56 වර්ගයේ ගිනිඅවියේ හිමිකාරීත්වය සම්බන්ධයෙන් සිදුකරන විමර්ශනවලට අදාළව අත්අඩංගුවට ගෙන ඇප මත මුදා හැර සිටි හිටපු පාර්ලිමේන්තු මන්ත්රී දුමින්ද දිසානායක මහතා එම නඩුවෙන් මුදා හැරීමට ගල්කිස්ස මහෙස්ත්රාත් අධිකරණය නියෝග කර තිබේ.
එම නඩුව අද (29) කැඳවූ අවස්ථාවේදී ගල්කිස්ස මහෙස්ත්රාත් චතුරිකා ද සිල්වා මහත්මිය නියෝග කර ඇත්තේ, මෙම නඩුවට අදාළව සෘජු හා පරිවේෂණීය සාක්ෂි නොමැති වීම හේතුවෙන් හිටපු මන්ත්රීවරයා මුදා හරින ලෙසයි.
අදාල ගිනි අවියේ හිමිකාරිත්වය සම්බන්ධයෙන් සිදුකරන විමර්ශනවලට අදාළව දිසානායක මහතා පසුගිය මැයි 23දා අත්අඩංගුවට ගනු ලැබූ අතර පසුව ගල්කිස්ස මහෙස්ත්රාත් අධිකරණයට ඉදිරිපත් කිරීමෙන් අනතුරව රක්ෂිත බන්ධනාගාර ගත කෙරුණි.
ඉන් අනතුරුව, ඔහු විසින් ඉදිරිපත් කර තිබූ ඇප ඉල්ලීමක් සලකා බැලීමෙන් පසුව අධිකරණය විසින් ඔහුව පසුගිය 14දා ඇප කොන්දේසි මත නිදහස් කරනු ලැබීය.